Azeta sagrado y corona

Ariba diadomingo 6 di mei 2023 Prins Charles a wordo corona como Rei di Inglatera. Esaki tawata un momento historico pa e pais y Famia Real. Despues di un periodo largo di Reina Elizabeth II, Charles III lo bira Rei y e por pone su mesun stampel riba su mandera con e kier goberna.

Pa algun hende, esaki tawata un bunita suceso. Reina Elizabeth II tawata masha popular durante su periodo largo di goberna 70 aña. E la guia e pais door di hopi desafio nan y a bira un simbolo di stabilidad y continuidad. Su retirando seguramente lo causa sentimentonan mixto. Pero e tempo ta cambia. Prins Charles a prepara durante hopi aña su mes pa su titulo como Rei.

Bo mester ta loco pa kier mira con Prins Charles ta corona riba television y pa lanta kuat’or di mainta pa hasi esaki. Pero si bo tin interes den historia y/of e ritual bieu, bo no kier perde e momento historico aki. Mi tambe no kier perde e suceso historico aki.

Rei nan, presidente nan y hopi otro persona importante tawata sperando Prins Charles, kende a drenta Westminster Abbey rond di diesdos or di mainta na e orario di Hulanda. Aki el a wordo compaña dor di e Kings Champion, un posicion honorario y hereditario kende tin e titulo pa chalenge tur hende cu ta duda riba e derecho di e Rey nobo pa tuma e trono pa un duel. E tradicion aki di siglonan largo ta ser realiza dor di famia Dymoke. E tradicion aki a bin desde tempo di William the Conqueror pa medio di Robert Marmion. Na 1377 e liña di homber di e Marmions a desaparese y e tarea aki a ser duna na Sir John Dymoke. Awe dia e tarea aki, den un punto di vista ceremonial, ta ser realiza pa un desendiente di Sir John Dymoke y e tradicion aki ta keda den famia di generacion pa generacion.

E ceremonia di corona ta yena cu tradicion nan Anglicano y historico. Cu textonan di Bijbel, salmo/oracion y cantica nan di e hubentut di kor den e misa, Prins Charles prome a realisa su debernan riba Bijbel como Rei di Inglatera. Despues di e discurso di Arzobispo di Canterbury, e azeta sagrado a ser bendiciona, kende a bin directo for di Olijberg na Jerusalem y e cantica "Zadok the priest" a ser toca. Pa hopi fanatico nan di futbol e musica aki ta conosi, pasobra e ta ser toca tambe durante e UEFA Champions League.

Den mi wowo, despues di esaki, a cuminsa e evento mas importante di e ceremonia. Prins Charles a wordo acompaña na e stoel di corona cu tin mas cu 700 aña bieu. Aki el a wordo zalvi como Rei. Tin un historia tocante e stoel di corona cu ta conta cu e hubentut di kor a marca sorto di marca riba dje. Kiko ta skirbi riba e stoel di corona, mi no sa. E zalvamento di e rei, e ritual mas anticua di e siglo 12, no ta un evento pa tur hende mira. Rond di e stoel di corona nan a pone un sorto di muraya pa asina e evento aki tuma luga den privacidad. E azeta sagrad a wordo basha riba un cuchara di oro y e Arzobispo a hinca dos dede den e azeta, y despues el a zalvi Prins Charles su frenta, curason y man. Un evento intimo cu ta enfatisa e relacion directo entre Dios y e Rei.

Despues e murayanan a wordo kita y Rey Charles a haya un bisti di oro. Awor e por a sinta riba un stoel mas comodo. Diferente opheto nan a wordo presenta na e rei, manera e spada real. Un simbolo pa asina defeni e derechi contra e malo. Un señal di no usa pa poder, si no pa usa pa gracia. Despues di esaki, el a toca algun armband di sinceridad y a haya un otro mantel pa bisti. Aki Rey Charles a wordo yuda dor su yiu, William, Prins di Wales y a haya e globo di reino presenta na dje. Un bola di oro cu un crus riba dje. E globo di reino ta representa e mundo, unda Dios a duna e rei e poder riba mundo. Na e momento cu el a mishi e renchi, Rey Charles a bisti un handschoen na su man drechi. Un señal cu el lo cumpli cu e autoridad cu el tin riba gracia di Dios, y despues e la tene dos scepter, un señal di poder real, den su man.

Awor e momento a yega pa pone e corona di 1661 ariba cabes di Rei Charles. E corona di oro masivo tin 444 piedranan precioso cu ta pisa mas di dos kilo. Ora Arzobispo a grita "Dios salba Rei", e momento historico aki a wordo confirma y Prins Charles a bira Rei di Inglatera. Compara cu Hulanda, den Inglatera no ta separa misa y gobierno y e Rei di Inglatera ta e lider di e Iglesia Anglicano. Despues di algun discurso di esnan religioso, Rei Charles III a wordo compania pa su stoel. Ainda e tawata tene e dos scepternan den su man. Awor a sigui e huramento di fidelidad di su yiu William, kende a mishi e corona y a duna un sunchi riba e cara di su tata.

Awor tur wowo tawata riba Camilla Parker Bowles, kende a ricibi un renchi y despues a pone un corona ariba su cabes. Tambe el a ricibi un scepter real. E ceremonia ainda no tawata na su final y e ritual di pan y biña, cu algun salmo, a wordo tuma. Despues cu Rei Charles cu su corona, mantel lila, scepter na su man drechi y e bola real na su man robez, a wordo compania for di e misa. Camilla tambe a sigui e Rei cu su corona y mantel lila. Na salida, e Rei a entrega su scepter y bola real y algun lider religioso di diferente fe a duna un palabra cortico pa e rei nobo. Despues di esaki, e la tuma su scepter y bola real atrobe den su man y a Sali for di e misa. Hopi misanan a bati klok y e rei a sigui cu e procesion pa Buckingham Palace. E famia real a presenta nan mes na balkon, despues e canonnan real a start y algun aeroplano military a bula riba e palacio.  

E coronacion di Prins Charles ta un momento historico pa Inglatera. Aunke e despedida di Reina Elizabeth II ta ainda den nos mente, awor ta tempo pa cambio y oportunidad nobo den Inglatera. Mi ta keda cu curiosidad pa mira con Charles lo cumpli su tarea como Rei. Lo e cumpli su tarea manera su mama, cu dignidad y dedicacion completo?