Engaño Bunita (Schoon Bedrog) den e collection di Biblioteca Nacional Aruba

Directrice di Biblioteca Nacional Aruba, srta. Astrid Britten y su colega srta. Zetsia Ponson a ricibi 5 ehempel di e prome buki di docente Carlos Michel Nicolaas pa e coleccion di biblioteca. Michel Nicolaas a debuta den 2021 cu "Engaño Bunita" - "Schoon bedrog", un buki di 482 pagina. Nicolaas tin un estilo di scritura disarmante. "Schoon bedrog" ta wordo encuaderna y publica bajo su propio maneho. Nicolaas mes no a pensa cu "Schoon bedrog" lo ta su prome buki. El a pensa semper cu el lo cuminsa cu un buki di historia prome.

Nicolaas ta biba na Aruba desde 2013 y ta docente di Historia, Arrangement di Estado y Geografia unda cu el ta duna les na studiantenan di MAVO y HAVO na San Nicolaas. Desde 2004, Nicolas ta scirbi diferente articulo pa su blog tocante e manera cu e ta mira mundo. Den 2021, despues di un pausa, el a tuma esaki bek y ta disfruta di scirbi. E ta experimenta scirbi den momentonan dificil manera un medio di yuda y un forma pa desahoga. "Mi a scoge pa scirbi", Nicolaas ta bisa. Y, el ta afirma "Mi ta di opinion cu tur hende por duna un contribucion positivo na sociedad na nan manera".

E buki "Schoon Bedrog" ta ficcion, basa riba un historia real. ... "Den e buki bo ta haya sa mas di e personaje principal Justin. Justin ta drenta den un mundo caminda su principionan y tur loke e tabata kere den ta wordo poni na prueba. Ta biba el den un sueno of fantasia? Ta considera el como un wega? Con ciego amor por ta? Tabata Lisa e persona real of tabata Lisa hungando un di su papelnan? Justin no por a kere cu den un momento el a perde tur loke el a logra y lo mas importante, su amor verdadero. Of tabata tur cos mes... engaño bunita?... "

Miembronan di biblioteca por busca e buki aki pronto na biblioteca pa lee òf presta. Tambe por ordena esaki via e-mail na info@michelnicolaas.com.

Mientras tanto, e autor ta trahando riba su di dos publicacion...

https://www.bibliotecanacional.aw/pages/schoon-bedrog-in-de-collectie/