Nos normanan y balornan ta bahando

Ascenshon di Hesus. Un dia cu pa hopi hende ta duna un dia liber extra. I pa nos docentenan di Aruba, un fin di siman largo masha agradabel, ya cu e dia siguiente tambe ta conta como un dia liber. Unda nos por trankilisa un rato, pa cuminsa e ultimo lot di e aña escolar cu energia. E ultimo lotnan so generalmente ta esnan mas pisa. Kiko ta mas agradabel cu keda cu famia den un hotel i disfruta di solo, laman i playa. E fasilidadnan cu nos tin na Aruba, hopi bishitante stranhero ta comesa riba esaki.

Mi tawata tin preguntanan; "Kiko nos ta comemora na dia di Ascenshon? Nos ta comemora esaki mes?". Dia di Ascenshon ta un dia di fiesta di Cristo, na cua nos ta corda cu Hesus a subi shelo. Cuarenta dia despues di Pasco, Hesus a keda ainda na tera i a revela su mes na diferente hende, kendenan na final mester a difundi su mensahe riba tera. Door di Bijbel i e normanan i balornan Cristian nos a duna guia i estructura. Mi ta kere cu hopi di nos no ta para keto na esaki. I nos no ta celebra manera nos mester. Pero esaki si ta duna nos e momento pa nos mira nos mes bao un lupa. Nos ta haci bon den nos comunidad? Nos tur ta spera cu cada un di nos ta trata pa saca e miho for di nos mes y otro hende, y cu nos ta busca e miho manera pa biba hunto cu otro.

Pero nos ta biba den un tempo caminda nos normanan y balornan ta desapareciendo rapidamente. E fe ta raro cu ta haya valor y p’esey no ta asina importante mas. Nos tur kier ta liber. Nos kier biba sin hopi reglanan, normanan y balornan. Pasobra bisa cu berdad, cu tanto compromiso, bo mes no por ta realmente liber? Awor nos ta biba den un tempo caminda bo ta liber pa determina bo mes genero. Bo ta liber pa bisa loke bo kier y bo no tin cu tene cuenta cu otro. Caminda bo ta liber pa causa un matanza den un scol basico na Texas, caminda un mucha homber di 18 aña a tira morto 19 mucha y dos maestro. Bo ta liber pa tin mas cu un relacion y pa haci trampa, aunke bo mes ta casa. Bo ta liber pa haya mucha na edad hoben y pa no cuida nan of kier nan. Bo ta liber pa tuma e derecho den bo propio man y pa tuma decisionnan cu ta contra di reglanan di un gobierno of organisacion. Lo esaki tur finalmente lo conduci na nos perdicion?

E aña 476 despues di Cristo ta wordo deskribi como e aña cu e imperio Romano a cay apart. Sin embargo, nos no por relaciona e caida aki cu un aña specifico. Mas bien ta trata di un periodo caminda e imperio Romano a wordo menaza pa diferente factor y a cay apart. Nos no por duna un rason specifico pa esaki. Claro cu e diferente tribunan for di patras a causa situacionnan insostenibel, pero tambe nos por mira loke a sosode den e imperio Romano mes. Pense riba e guerranan civil y e lucha di poder entre e diferente emperador. Seguridad, trankilidad y progreso economico a wordo poni bou presion. Na Aruba, pero tambe den mundo, nos normanan y balornan ta wordo zeta patras pa patras, causando cu nos afo no sa mas kico ta bon of malo. Ta pasobra nos ta duna menos balor na fe? I no ta cu nos mester enfoca fe riba un religion specifico, pero e normanan y balornan cu a haci nos comunidad grandi. Loke nos mayornan a considera importante durante nos educacion. Nos ta perdendo e normanan y balornan aki awor? Nos ta bibando den un tempo caminda tur cos ta permiti, aunke nos sa cu loke nos ta haci ta robes. Cu nos ta kere cu nos ta avansa asina y ainda nos por ta orguyoso di dje. Celos, gana di mas, beneficio propio na expensa di otro ta hunga un rol importante den esaki. Riba kico nos por conta y kico ta duna nos guia den e tempo aki?

Pa mi fe i e normanan y balornan cu mi a wordo educa pa mi mayornan ta duna mi guia. E ta duna mi directivan cu ta guia mi riba e caminda corecto. Algun biaha ta dificil, den e tempo cu nos ta bibando, pa keda fiel na nan. Pakico tambe, tur hende ta haci'e, pues pakico abo no? Aunke nos sa profundo den nos curason cu realmente loke nos ta haci no ta bon. Nos conciencia ta bisa nos kico ta bon of robes i nos ta actua segun esaki. Naturalmente, solamente si bo tin un conciencia, of ora bo a haya un bon educacion. Of mayornan cu kier guia bo na e caminda corecto mas tanto posible. Pero pa tur hende ta diferente. Ora bo a haya un bon educacion? Kende lo bisa esaki? Mi normanan y balornan talbes no ta mesun cos cu di bo. Nos normanan y balornan ta bira bai, tur cos ta permiti, sin tene cuenta cu otro. Pero esaki ta causa hopi problema innecesario. E Bijbel of fe mes ta duna nos directiva cu ta proteha nos contra loke ta malo. Cu ta duna nos un bida mas sin preocupacion cu menos stress.

Con ta pa bo? Bo tin confiansa den nos normanan y balornan? Of bo ta di opinion cu e normanan y balornan aki por conduci na nos perdicion? Cua normanan y balornan bo a scoge? Bo ta keda fiel na nan of bo a laga nan for di tempo caba? Bo ta tuma desicionnan cu ta bon pa bo so? Of tambe pa otro? Bo ta laga bo mes wordo arrastra pa otro of bo ta scoge bo propio caminda? I talbes esey ta e pregunta mas importante. Bo por ainda mira bo mes derecho den spil pa medio di bo accionnan? Talbes e momento di Asuncion di Señor ta duna oportunidad pa reflexion personal. Cu hende por yega na e conclusion pa ajusta nan normanan y balornan, pa e mundo cu nos ta biba den por ta mas aceptabel pa tur hende. Dushi Dias di Asuncion i dushi dianan liber desea.