Ronde di Aruba: Un celebracion di deporte, cultura y comunidad

Aruba, e isla cu hopi solo den lama Caribe, semper tabata conoci pa su playanan bunita, hendenan amistoso y cultura rico. Pero tin un evento cu den e ultimo añanan a bin haya mas atencion, y esaki ta De Ronde di Aruba.

E Ronde di Aruba a cuminsa na 1971 tempo cu dos marinier a tuma e reto pa core rond di henter e isla solitario. Dia 12 di mei 2023 e evento anual a tuma luga y ta un celebracion di deporte, cultura y comunidad. E aña aki ta e di 31 bez cu nan ta organisa e evento aki. Pa motibonan di seguridad, cada bez ta permiti un cantidad limita di participante y e aña aki en total 206 team a partisipa. E team nan tabata consisti di un, dos of cuatro partisipante y e punto di salida manera semper ta ser na Marinierskazerne na Savaneta. E evento aki ta asina grandi cu mester tene un organisacion stricto y duidelijk pa por logra tur cos. E biaha aki tambe tur cos tawata regla te na detaye. Nos mester gradici e organizador di Marinekazerne (MSK Savaneta) ye sponsor nan, cu a hasi tur cos aki posibel. E prome team a sali na e ora exacto di 8'or di anochi y e ultimo team a sali tambe na e ora exacto di 12'or di anochi.

De Ronde di Aruba ta consisti di un careda di core, cu ta crusa henter e isla y ta pasa na algun di e paisahenan mas impresionante di Aruba. E distancia exacto di e parcours ta 72 kilometro y e tempo maximo pa core ta 9 ora. En total tin siete puesto di cambio, caminda cada miembro di e team mester reemplasa su colega di team y sigui core e parcours so. E resto di e miembronan di e team, hunto cu un chauffeur cu no ta parti di e carera di core, ta core auto tras di dje. Den un vehiculo cu tin un matras patras, un cooler cu cuminda y bebidanan y hopi tin un speaker pa encurasha e coredor cu musica.

Loke ta hasi e evento aki asina unico, ta cu no ta solamente un evento deportivo, pero tambe un fiesta cultural. De Ronde di Aruba ta celebra e historia rico y cultura di e isla door di encurasha e coredor nan durante e carera cu habitantenan local cu ta para banda di caminda pa sostene y encurasha nan. Mi mes no a pensa cu tin asina hopi hende para banda di caminda. Ta un bista tremendo. Y tur esaki bon prepara cu nan mes stoel y mesa, cooler, decoracion di luz y musica. Hopi hende banda e caminda tawata tin un bel di baca den nan man, pa asina tambe encurasha e coredor nan di un manera extra. Hopi diferente vehiculo ta pita, cu ta hasi e evento aki ainda mas anima. E ultimo parti di e parcour ta e mas dificil, pero ora e finish ta na bista nan tur a crusa nan meta, e satisfaccion ta grandisimo y nan ta papia riba e evento aki cu hopi entusiasmo.

De Ronde van Aruba ta mas cu solamente un evento deportivo. Ta un evento festivo unda e comunidad local ta bin hunto pa festiva e deporte aki. Ta mustra con deporte y cultura por reforsa otro y con nan por hunga un rol importante pa stimula un sintimento di komunidad y unidad.

Ademas, De Ronde van Aruba tin un impacto economico importante riba e isla. Ta trece bishitante for di henter mundo, kende ta partisipa of ta mira e evento. Nan tambe ta disfruta di e playanan hermoso, restaurant y otro atraccion cu e isla tin pa ofrece.

Asina cu si bo yega di tin e oportunidad pa atende De Ronde van Aruba, tuma e oportunidad. E no ta solamente un festivo di deporte y

cultura, pero tambe di e comunidad di Aruba cu ta caluroso y hospitalario.