E momento pa mi

Un cantidad di dia pasa un hende a bisa cu semper ora cu e ta bebe un cappuchino e tin su momento pa mi. E ora ey e ta haña un momentu di e dia, caminda e por completuamente bira su mes i disfruta di e momento. Tambe e no por laga falta un cappuchino sabroso. Esaki ta hasie completamente cla pa dje. Mi ta pensa cu tur hende mester experimenta e momento aki un biaha of den un siman. Sinti bo completamente trankil na bo manera. Disfruta di e momento i refleha riba loke ta pasando den bo bida.

Ora mi tin mi momento di mi di dia of di siman? Un siman di trabou a yega na su fin i mi a disfruta di un anochi agradabel na P.F. Chang’s, un restaurante caminda bo por pidi platonan Asiatico i Chines sabroso. Despues a sigui un bishita na Cinema Gloria VIP. Pa VIP bo ta paga un tiki mas, pero pa comodidad i posibilidad di pidi algo via un menu durante e pelicula. E sillonnan blou grandi ta comodo i bo por ajusta nan pa bo casi tende horizontalmente. Nos a pidi un Cheesecake i un glas di biña. Esaki tabata un manera diferente pa mira un pelicula. Popcorn i un Coca-Cola fresco no tabata necesario na e momento aki. Despues ainda pa bai lama pa relaha cu algun glas di biña tambe.

E dia siguiente, tempran mainta, mi a bishita e tent di café i minimarket "Clover" pa prome bia. E ta keda tras di e restaurant "The Screaming Eagle". Si bo ta buska un luga pa desayuna i bo gusta diferente productonan natural, e ta un luga pa bishita. Pa haña e sentimiento di amor pa café i te, ora bo drenta bo ta topa cu un borchi chikito cu ta bisa:

“In this place you breathe love just with a cup of coffee or tea. Ask for our coffee preparation methods at the table.”

Ora mi a tuma mi prome slok di cappuchino mi a pensa inmediatamente riba e combersacion. Tabata e momento di mi? Mas lat mi ruman a puntra si mi kier a bay riba un catamaran. Nan lo a disfruta di e solo i laman cu algun amigo. Mi mes, despues di tanto aña bibando na Aruba, no a bai riba un catamaran ainda. P’esei mes mi no sa pakico mi no a hasie prome. Tambe tabata prome bia cu mi por a mira parti di e SS Antilla ora di snorkeling.

Ki ora nos ta experimenta nos mesun momentonan? Pa esaki bo mester ta boso? Of bo por hasie tambe cu hende rond di bo? Ta e detayenan chikito ta hasie interesante? Of ta e momentonan cu bo no ta hasie tur dia i cu ta costa placa? Mi ta di opinion cu bo por hasi i disfruta di hopi cos na Aruba, pero cu e habitantenan mes no semper sa kiko un rikesa nos tin aki. Nos tin e playanan mas bunita rond di nos, pero no semper nos ta disfruta di nan sufisientemente. Hende for di exterior lo kier a hasi tur cos pa come o paga hopi pa nan. Pa nos esaki ta bira normal. Bo ta apresia algo mes ora bo no tine mas. 

E hopi cosnan diverti cu mi a hasi e fin di siman aki, por bira momentonan di mi. Pero esaki no kiermen cu bo no por hasie na cas i cu mester ta algo grandi semper. Ta e detayenan chikito ta hasie interesante tambe. Un bon glas di biña, disfruta di musica bon den segundo plano, mira un pelicula of lesa un buki bunita. Bo mester busca i experimenta esakinan bo mes. Finalmente bo ta haña bo mesun momentonan di mi, caminda bo por cuminsa un siman nobo cu animo.